Ministrja e Shëndetësisë, Ogerta Manastirliu, i ka bërë thirrje qytetarëve dhe turistëve të tregohen të kujdesshëm në zbatimin e rregullave të higjienës distancimit social.
Manastirliu ka publikuar një video në Facebook, ku subjekteve dhe qytetarëve u kërkohet të zbatohen me rigorozitet këto rregulla për një sezon turistik të sigurt.
- Pastrimi dhe dezinfektimi duhet të zbatohen me rigorozitet në bare, restorante, shezlone dhe në çdo ambient.
- Në strukturat akomoduese duhet të ruhet distancimi fizik jo më pak se 1.5 metër.
- Stafi i shërbimit në kontakt me pushuesit apo vizitorët duhet të mbajmë domosdoshmërisht maskë.
- Kujdes me përdorimin e ashensorit, respektoni distancimin dhe higjienën.
- Hapësira midis ndenjëseve dhe çadrave të pushuesve duhet jo më pak se 3.5 metër distancë.
- Shmangni grumbullimet e çdo lloji.
- Shmangni ambientet e mbyllura, konsumoni ushqim në ambiente të hapura.
- Mos këmbeni aksesorët e plazhit me të tjerët.
- Ruani higjenën vetjake dhe kolektive.
- Nëse keni temperaturë mos u nisni për udhëtim dhe mos frekuentoni plazhin.
