Kryeministri Edi Rama njoftoi se nga sot hyn në funksion rrjeti i përbashkët energjitik i interkonjeksionit Kosovë-Shqipëri.
Kreu i qeverisë e bëri të ditur këtë gjë, gjatë një konference për mediat në aeroportin “Adem Jashari” në Prishtinë.
“Lajm i mirë hyrja në funksion e rrjetit të përbashkët energjitik dhe të interkonjeksionit. Është i rëndësishëm që kur e filluam, dhe më pas e përfunduam, por ishte një sistem llampash me çelës të mbyllur. Dhe nga sot faktikisht hyn plotësisht në funksion”- tha Rama.
Kjo linjë e përbashkët do të krijojë një treg të përbashkët të energjisë elektrike mes Kosovës dhe Shqipërisë, një projekt i cili u fillua në 2016 dhe përfundua pikërisht sot sipas kryeministrit Rama.
Kreu i qeverisë ndodhej në Kosovë në kuadër të një vizite dyditore.
