Instituti Kombëtar i Shëndetësisë Publike në Kosovë bën me dije se gjatë 24 orëve të fundit janë regjistruar 122 raste të reja me koronavirus.
Prej këtyre: 41 janë shënuar në Prishtinë, 21 në Ferizaj, 10 në Pejë, 8 në Gjakovë, 7 në Prizren, 5 në Fushë Kosovë, 5 në Gjilan, 5 në Vushtrri, 4 në Podujevë, 3 në Kamenicë, 3 në Viti, 2 në Shtimes, 2 në Lipjan dhe nga një rast në komunat Dragash, Istog, Klinë, Malishevë, Skenderaj dhe Suharekë.
Kështu shkon në 2,799 numri total i rasteve të regjistruara me koronavirus në Kosovë. Sipas njoftimit të IKSHPK-së, 1.244 raste janë ende aktive në vend.
