Një tjetër pacient me koronavirus ka ndërruar jetë në Shqipëri.
Ministria e Shëndetësisë bën me dije se ka vdekur një 65-vjeçar me COVID-19, i cili kishte sëmundje bashkëshoqëruese:
“Pas disa ditësh i shtruar në spital, në terapi intensive, një 65-vjeçar nga Tirana ka humbur jetën, megjithë përpjekjet e mjekëve dhe mjekimin intensiv medikamentoz.
65-vjeçari i konfirmuar me Covid-19 vuante nga Diabeti dhe Policitemia.
Ministria e Shëndetësisë u bën apel gjithë qytetarëve që të mos e ulin vigjilencën, por të zbatojnë rregullat e vendosura, si e vetmja mënyrë për të mbrojtur veten dhe të afërmit”.
Nga fillimi i pandemisë, 46 qytetarë e kanë humbur betejën me COVID-19.
