Koronavirusi po njeh shtrirje të madhe, madje edhe në arsim. Dy mësuese të një gjimnazi në Tiranë, kanë rezultuar me COVID-19.
Dy ndër rastet pozitive të konfirmuara 24 orët e fundit në Tiranë, janë mësuese në një prej gjimnazeve në qendër të Tiranës.
ISHP nuk e ka ende të qartë se si janë infektuar dy mësueset, ndërsa ‘abcnews.al’ mëson se ato nuk kanë qenë të pranishme gjatë provimeve të maturës, të dhëna nga maturantët gjatë ditëve të fundit.
Gjatë 24 orëve të fundit janë kryer 239 testime për të dyshuar të prekur me COVID-19, nga të cilat janë konfirmuar 33 raste pozitive, kryesisht raste të reja ne proces hetimi si dhe kontakte të rasteve të konfirmuara më herët pozitive. Shpërndarja gjeografike e të identifikuarve pozitivë në 24 orët e fundit është si vijon: 23 të prekur në Tiranë, 8 në Shkodër dhe nga 1 rast në Pogradec dhe Kamëz.
