Bashkia e Shkodrës ka depozituar sot një kallëzim penal në Prokurori ndaj IKMT-së dhe drejtorisë vendore të policisë, për shembjen e ndërtesave në Velipojë.
Në kallëzimin e dorëzuar në Prokurorinë e Shkodrës, bashkia akuzon IMT-në dhe policinë e Shkodrës për shpërdorim të detyrës.
“Bashkia Shkodër me cilësinë e kallëzuesit, vlerëson se Inspektoratit Kombëtar i Mbrojtjes së Territorit dhe Drejtoria Vendore e Policisë së Shtetit nuk kanë vepruar drejt dhe ligjërisht, por kanë «shpërdoruar detyrën» që i ngarkon ligji në aksionin e organizuar për prishjen e 24 objekteve «beach-bare», në datën 10.06.2020 dhe 11.06.2020, në bregdetin e Plazhit të Velipojës, Njësia Administrative Velipojë”, thuhet në padi.
