Gjykata e Apelit ka lënë në fuqi vendimin e Gjykatës së Tiranës në lidhje me personat e përfshirë në vrasjen e Marvi Mihalit.
Sipas të dhënave, Gjykata ka dënuar me 19 vjet burgim Dejvi Bitrajn dhe me nga 12 vjet, 3 të pandehurit e tjerë.
Ndërsa, në kërkim janë vëllezërit Marsel dhe Kridens Alla.
Eugen Bitraj, Marsel Alla dhe Kridens Alla i kishin kërkuar gjykatës t’i shpallë të pafajshëm, ndërsa i pandehuri tjetër, Dejvi Bitraj kishte pranuar vrasjen, kishte kërkuar ndryshimin e kualifikimit të veprës nga “vrasje me paramendim” në “vrasje në tejkalim të mbrojtjes së nevojshme”, kërkesë që me sa duket është marrë në konsideratë nga Gjykata, shkruan “opinion.al”.
Kujtojmë se Marvi Mihali u vra më 31 Korrik të vitit 2017 në zonën e stadiumit Selman Stermasi për një karikues telefoni.
