Shoqata e Transportit Ndërqytetës dhe Rrethqytetas i Udhëtarëve ka paralajmëruar një protestë ditën e nesërme.
Përmes një njoftimi të shpërndarë në Facebook, shoqata bën me dije se protesta do të mbahet para Ministrisë së Infrastrukturës dhe Energjisë.
Në njoftim theksohet se punonjësit do të kërkojnë pagën për ditët që nuk janë në punë, pas shtyrjes së hapjes së transportit publik me një javë, si dhe hapjen e transportit publik.
“Vendimi i strukturave shtetërore për shtyrjen me 1 javë të hapjes së transportit publik prek në mënyrë të drejtpërdrejtë të punësuarit në këtë sektor dhe familjet e tyre, për të cilat duhet të akordohet një pagë shtesë. Ju bëjmë me dije që kjo kërkesë është bashkëngjitur kërkesave tona për rifillimin e shërbimit”, thuhet në njoftimin e Shoqatës së Transportit.
