Një person është ekzekutuar me armë zjarri mbrëmjen e sotme, në zonën e njohur si “Komuna e Parisit”, pranë Qendrës Kristal.
Pak çaste me parë është ekzekutuar Hekuran Billa, 40 vjeç.
Aktualisht zona është rrethuar nga forca të shumta policie. Billa është gjetur pa jetë brenda një makinë të bardhë tip “BMW X6”.
Burime ende jo zyrtare thonë se Billa rezulton se është i dënuar në Angli për vrasje dhe i ekstraduar në Shqipëri, ndërsa ka vuajtur dënimin në burgun e Fushë-Krujës dhe është liruar pasi ka përfituar ulje dënimi.
Nga informacionet e deritanishme, bëhet me dije se atentati është bërë teksa viktima ishte duke udhëtuar me makinën tij. Pasi është qëlluar, ai ka humbur kontrollin e mjetit dhe është përplasur me tre automjete të tjera. Dyshohet se atentatori ishte i maskuar. Ende nuk dihen rrethanat e ngjarjes.
