India është një nga vendet që po regjistron numrin më të lartë të rasteve të reja me koronavirus në ditët e fundit.
Vetëm në 24 orët e fundit, vendi ka shënuar 7,718 raste të reja infektimi duke e çuar në 254,330 numrin total të të infektuarve.
Kështu India ia kalon edhe Italisë për numrin më të lartë të personave të infektuar, duke u renditur e gjashta në botë pas SHBA-ve, Brazilit, Rusisë, Spanjës dhe Mbretërisë së Bashkuar.
Gjatë 24 orëve të fundit India ka regjistruar 171 viktima, një ndër shifrat më të larta të regjistruara nga të gjitha vendet për sot. Deri më tani, vendi shënon më shumë se 7 mijë viktima. Prej këtyre mbi 122 mijë persona janë shëruar, ndërsa mbi 124 mijë raste janë ende aktive.
Më shumë se 7 milionë njerëz nga e gjithë bota janë prekur nga koronavirusi, ndërsa mbi 403 mijë persona kanë humbur jetën.
