Presidenti i El Salvador (një vend i vogël në Amerikën Qendrore) po përflitet shumë në mediat ndërkombëtare, lidhur me masat e marra ndaj luftës kundër koronavirusit.
Naylib Bukele, vetëm 38 vjeç, mbylli vendin para se rasti i parë me COVID-19 të shënohej në El Salvador.
Janë të shumtë ata që e cilësojnë presidentin si hero, por ka edhe nga kritikët që e cilësojnë atë si një diktator.
Bukele vijon t’i kundërshtojë kongresin dhe gjykatat, të cilat tashmë kanë në dorë prova se ai ka shkelur Kushtetutën.
Vendi me 6 milionë e 400 mijë banorë ka regjistruar deri më tani 1,725 raste pozitive me koronavirus. Prej këtyre janë shënuar vetëm 33 viktima.
Bukele është Presidenti i parë pas 1992, që nuk i përket dy partive kryesore të vendit. 38-vjeçari ushtron detyrën si President prej më shumë se një viti tashmë.
