Ditën e sotme gjatë seancës plenare, opozita parlamentare kërkoi ngritjen e një komisioni hetimor për Teatrin Kombëtar.
Sipas deputetit të grupimit të pavarur, Ralf Gjoni, duhet zbardhur e gjithë procedura që çoi në shembjen e godinës në 17 maj.
Ndërkohë Kryetari i Kuvendit Gramoz Ruçi dhe kreu i grupit parlamentar socialist, Taulant Balla, i kërkuan atij që të paraqiste kërkesë me shkrim.
Balla e quajti retorikë politike pa vlerë, për aq kohë sa nuk është paraqitur asnjë dokument zyrtar për këtë komision, të cilin Gjoni u vetëofrua ta drejtojë.
Po ashtu deputetit të dalë nga listat e LSI-së iu kërkua të depozitojë në Kuvend edhe kërkesën për interpelancë me kryeministrin Edi Rama, të cilën nuk e ka dorëzuar ende.
