Pas takimit me aleatët, Basha pritet që të ketë një takim tjetër. Burime ende jo zyrtare bëjnë me dije se kryedemokrati Basha, në mesnatë do të mbledh Kryesinë e Partisë Demokratike.
Diskutimi do të fokusohet tek çështja e Teatrit Kombëtar dhe lëvizjet e tjera politike.
Ky takim i Bashës vjen në një klimë të tensionuar politike, ku sot ka pasur akuza të forta nga opozita kundër Ramës.
Pak më herët, Basha iu bëri thirrje qytetarëve t’i bashkohen protestës. “I bëj thirrje qytetarëve të njohin nje të drejtë, të drejtën për të protestuar e për t’u ngritur e të shpërfillin gjithçka tjetër përveç të drejtës që i jep Zoti e Kushtetuta, dhe nuk ka asnjë bandit t’ia heqë. Ka shumë pak banditë të regjimit për të mbajtur zemërimin e popullit që po fryhet e do t’i marrë të gjithë përpara. Ky regjim nuk njeh ligj, njeh vetëm përballje dhe kushdo tjetër që mendon ndryshe, është patericë e këtij pushteti”, tha Basha.
