Miliarderi dhe filantropi George Soros në një intervistë për “Independent” ka bërë një deklaratë mjaft të fortë lidhur me Bashkimin Europian.
Soros i mëshoi faktit se koronavirusi mund të sjellë fundin e Bashkimit Europian.
Më tej, ai shtjelloi arsyetimin e tij duke theksuar se BE është një “bashkim jo i plotë”.
“Unë jam veçanërisht i shqetësuar për mbijetesën e BE-së sepse nuk është një bashkim i plotë. Kjo e bën Evropën më të prekshme se SHBA, jo vetëm se është një bashkim jo i plotë, por edhe sepse bazohet në shtetin e së drejtës. Drejtësia vepron shumë ngadalë, ndërsa kërcënimet siç është Covid-19 lëvizin shumë shpejt. Kjo krijon një problem për BE-në”, u shpreh miliarderi i njohur.
I pyetur nëse pandemia e koronavirusit mund të ndryshojë “fytyrën” e kapitalizmit, Soros u përgjigj në këtë mënyrë:
“Gjithçka mund të ndodhë, edhe pse, është e pamundur të parashikosh si do të zhvillohet kapitalizmi”.
