Policia ka përcjellë të dhënat zyrtare, lidhur me një krim të rëndë, të ndodhur pasditen e sotme në një fshat në Skrapar. Rreth orës 17:30, në fshatin Jaupas, Skrapar, shtetasi me inicialet H. Ç., 37 vjeç, pas një konflikti për motive të dobëta, ka qëlluar me mjet prerës (thikë) komshiun e tij që ndodhej i vetëm në banesë.
37-vjeçari ka goditur me thikë shtetasin me inicialet R. Ç., 77-vjeç, i cili për pasojë ka ndërruar jetë.
Autori është vënë në pranga, ndërsa grupi hetimor ka sekuestruar armën e krimit, një mjet prerës (thikë).
Njoftimi
Skrapar
Policia identifikon dhe vë në pranga autorin e vrasjes me thikë të 77-vjeçarit.
Rreth orës 17:30, në fshatin Jaupas, Skrapar, shtetasi H. Ç., 37 vjeç, pas një konflikti për motive të dobëta, ka qëlluar me mjet prerës (thikë) komshiun e tij që ndodhej vetëm në banesë, shtetasin R. Ç., 77 vjeç, i cili për pasojë ka ndërruar jetë.
Menjëherë pas marrjes së informacionit për ngjarjen e ndodhur, shërbimet e Komisariatit të Policisë Skrapar kanë rrethuar zonën dhe falë reagimit të menjëhershëm dhe informacioneve të marra në rrugë operative kanë bërë të mundur identifikimin dhe arrestimin e autorit.
Në cilësinë e provës materiale grupi hetimor ka sekuestruar armën e krimit, një mjet prerës (thikë).
Grupi hetimor, nën drejtimin e Prokurorisë po punon për zbardhjen e plotë të rrethanave të ngjarjes.
