Koronavirusi ka shënuar dy viktima të tjera në 24 orët e fundit në Greqi.
Kështu numri total i personave që kanë humbur jetën nga virusi COVID-19, ka shkuar në 150 në shtetin fqinj.
Ndërkohë raportohet se janë verifikuar 13 raste të reja me koronavirus, duke e çuar në 2,691 numrin total të rasteve të evidentuara.
Sipas mediave greke, 32 pacientë janë duke u trajtuar në ICU me intubacion, ndërsa 85 janë larguar nga njësia e kujdesit intensiv. Deri më tani, 1.374 persona janë shëruar në Greqi, ndërsa 1,167 raste janë ende aktive.
