Një ndër shqetësimet e qytetarëve lidhet me faktin se gjatë sezonit veror, do të shkojnë në plazh apo jo?! Por specialistët ka shuar kureshtjen, duke na dhënë si opsion edhe pishinat. Ata janë të mendimit se pishinat nuk përbëjnë rrezik, pas dyshimeve se infeksioni mund të merret aty.
Mediat spanjolle thanë se një raport i Këshillit të Lartë për Kërkimet Shkencore, nuk shikon rrezik të përcjelljes së Covid-19 në ujë të kripur apo pishina. Sipas kërkuesve, nëse ujrat janë në standarte normale, infektimi me koronavirus do ishte i pamundur.
Një studim i CSIC, sipas tyre, tregon se ujrat e përdorura prej pushuesve, nëse janë në standarte normale, nuk duhet të përbëjnë një problem në vetvete. Dhe se “infektimi në këto kushte do të ishte i pagjasë”.
Për ta, shqetësim mbeten grumbullimet e njerëzve. Mjaft pishina dhe qendra relaksi, sipas studimit, trajtohen me agjentë dezinfektues. Këto janë të mjaftueshëm për të “caktivizuar virusin”. Kur vjen fjala tek plazhet, ata ndajnë dy zona: zonën e larjes, pra ujin dhe atë të pushimit, rërën.
Infektimi nga virusi ka pak mundësi të ndodhë, kjo për shkak të dobësimit të tij në ujë dhe pranisë së kripës. Por edhe nëse kjo nuk do të mjaftonte për ta vrarë krejtësisht virusin, do ta reduktonte ndjeshëm virulencën e tij deri në atë pikë sa t`ia caktivizojë fuqinë infektuese.
Edhe rëra me kripësinë e saj, bashkë më rrezet ultraviolet, ekspozimin e fortë në diell në temperaturat e larta, mendohet se mund të ketë të njëjtin efekt mbi virusin.
Sipas studimit, infektimi merret nga mungesa e higjenës dhe moszbatimi i masave të distancimit social në plazhe dhe ato pishina ku uji i ëmbël nuk trajtohet me kimikate.
