Pas takimit ‘kokë më kokë’ me kryedemokratin Basha, kryetarja e LSI-së lëshoi një lumë akuzash ndaj qeverisë lidhur me situatën aktuale.
Në një prononcim për mediat, Kryemadhi tha se 60 mijë persona, kanë mbetur të papunë dhe sipas saj, qeveria s’ka bërë asgjë.
Ajo kërkoi nga kryeministri Rama që të mos bëjë show, por të krijojë infrastrukturën për normalizimin e vendit.
Në lidhje me mbledhjen e organizuar sot në selinë e PD-së, Kryemadhi zbuloi se opozita bëri një azhornim të gjithë situatës. Po kështu është krijuar një axhendë për angazhimet e aleatëve.
“Problem nuk është distanca sociale, por ekonomia. Sot 60 mijë shqiptarë janë të papunë. Që do të thotë 60 mijë familje janë pa bukë në tavolinë.
Janë 1.5 mln euro dëme nga qeveria. Ajo që dua të them është që duhet të qartësohemi, nga i pari kryeministër që të lëri show-n dhe propogandën.
Të dali dhe të krijojë infrastrukturën për normalizimin e vendit. Njerëzit nuk kanë hall të shohin fasadën e tij, imazhin e tij se nuk është më kryetar Bashkie. Bëm një azhornim të gjithë situatës. Krijuam një axhendë për angazhimet e gjithë aleatëve të opozitës”, tha ajo.
