Një tjetër person ka humbur jetën nga koronavirusi në Greqi.
Sipas mediave greke, bëhet fjalë për një 83-vjeçar i cili po kurohej në NIMTS. Kjo është viktima e tretë që shënohet brenda 24 orëve në Greqi.
Kujtojmë se më herët u raportua për dy të vdekur të tjerë: një 57-vjeçar, i cili ishte shtruar në spitalin në “Sotiria”, dhe një 88-vjeçar, që po kurohej po në NIMTS.
Kështu numri total i personave që kanë humbur jetën nga COVID-19, në vendin fqinj ka shkuar në 143. Ndërkohë që nga shpërthimi i pandemisë, në Greqi janë regjistruar gjithsej 2,612 raste infektimi.
Prej tyre janë shëruar 1,374 persona, ndërsa 1,098 raste janë ende aktive.
