SHBA është vendi më i prekur në botë nga pandemia e koronavirusit, duke shënuar numrin më të madh të rasteve dhe viktimave.
Një nga arsyet që SHBA ka një numër kaq të lartë të rasteve është popullata e madhe, rreth 330 milionë banorë. Ndërsa një arsye tjetër është numri i madh i testeve që po kryhen.
Sipas mediave amerikane, SHBA ka kryer rreth 5.7 milion teste gjatë dy muajve të fundit. Edhe pse kjo shifër duket shumë e lartë, të dhënat e botuara nga ‘Our World in Data’ tregojnë se Shtetet e Bashkuara kanë kryer 16.3 teste për 1.000 persona. Duke u renditur kështu pas Italisë e cila ka kryer 30.6 teste për 1.000 persona.
Presidenti Trump ka paralajmëruar se së shpejti SHBA do të bëjë 5 milionë teste në ditë. Sipas raporteve të publikuara, aktualisht SHBA po teston rreth 200 mijë njerëz në ditë.
Shtetet e Bashkuara të Amerikës kanë regjistruar deri më tani 1,035,765 raste infektimi, ndërsa 59,266 persona kanë humbur jetën nga COVID-19.
