Drejtoresha e ISHP, Albana Fico, ka zbuluar se një gazetar rezulton i infektuar me koronavirus. Fico ka bërë me dije se ai është në gjendje të mirë, dhe se është i vetëizoluar në shtëpi. Po kështu po monitorohet nga mjeku i familjes.
Kemi raste të gazetarëve të infektuar?
Fico: Po. Kemi një rast që po monitorohet nga mjeku i familjes.
E pyetur për raste të grave shtatzëna të infektuara, Fico ka thënë se janë katër raste, ku dy prej tyre janë shëruar.
“Numri i grave shtatzëna pozitive është i ulët. Ne kemi katër raste, dy janë shëruar”.
