Në përditësimin e fundit, Ministria e Shëndetësisë njoftoi se në 24 orët e fundit janë shënuar 25 raste të reja me koronavirus në Shqipëri. Duke e çuar numrin e përgjithshëm të të infektuarve në 609.
Lajmi i mirë është se që prej shpërthimit të pandemisë në vendin tonë, nuk është shënuar asnjë rast me Covid-19 në Tiranë, ku është edhe numri më i madh i rasteve.
Deri më sot, 26 persona kanë humbur jetën nga virusi që ka pushtuar botën. Duket se banorët në Tiranë kanë respektuar masat e distancimit fizik.
Siç duket, pavarësisht luhatjeve në numrat ditorë të zbulimit të bartësve të virusit apo të sëmurëve prej tij, situata është e kontrolluar. Sipas Ministrisë së Shëndetësisë, treguesi i vërtetë është numri i të shtruarve në spitale, që vazhdon të mbetet në shifra të qëndrueshme.
