Kancelarja gjermane Angela Merkel sot u ka kërkuar qytetarëve që të jenë vigjilentë dhe të disiplinuar në këtë periudhë lufte me koronavirusin.
Merkel theksoi se Gjermania duhet të tregohet e kujdesshme në mënyrë që të shmangë rikthimin e sëmundjes në javët e ardhshme.
“Gjermania do ta shohë brenda dy javësh nëse relaksimi i pjesshëm i kufizimeve në jetën publike, e ngre lart nivelin e infeksionit”, u shpreh kancelarja.
Pas disa javësh izolim, Gjermania ka rrafshuar lakoren e të infekturave të rinj me koronavirus dhe, javën e kaluar, ka thënë se sëmundja është nën kontroll.
Nga e hëna, autoritetet atje kanë lejuar rihapjen e dyqaneve të vogla, librarive dhe dyqaneve të biçikletave, me kusht që t’i zbatojnë masat e distancimit fizik.
Të hënën, Gjermania ka regjistruar 1,775 raste të reja me koronavirus dhe 110 viktima.
Me këto shifra, numri i përgjithshëm i të infektuarve është rritur në mbi 145,700, ndërsa i viktimave në 4,404.
