Kryeministri Rama shquhet tashmë për batutat pikante, po ashtu edhe për përgjigjet ironike. Në morinë e komenteve të shumta, ishte edhe ai i një qytetari, i cili e pyeste për celebrimet. Në një kohë pandemie që po jetojmë, prioritetet e qytetarëve janë të ndryshme. Por edhe Rama nuk e ka lënë pa përgjigje personin në fjalë.
Një nga pyetjet që qytetarët kishin për kryeministrin Edi Rama, ishte se kur do të hapen zyrat për të kryer celebrimet e martesës. Rama tha se ende nuk dihet me siguri kjo gjë.
“Rëndësi ka që dashuria të jetë e fortë, dhe duhet të presësh kur të hapet zyra. Prit sa të hapet zyra, për të vërtetuar se dashuria është e fortë. Nëse nuk prisni, atëherë do të thotë se dashuria nuk është e fortë. Shaka është kjo (qesh), shakaja gjysma e të vërtetës”.
