Koronavirusi ka dhënë shenjat e para se është rikthyer sërish me të njëjtën intesitet si më parë në Kinë. Në 24 orët e fundit janë raportuar shifra të frikshme lidhur me personat që kanë ndërruar jetë. Shumë kërkues kishin frikën e vale të dytë shpërthimi, e duket se kjo ka ndodhur.
BBC raporton sot se Kina ka raportuar numrin më të lartë të viktimave brenda 24 orëve të fundit. Janë regjistruar 1290 viktima dhe 351 raste të reja të infektuar me COVID-19, brenda këtyre 24 orëve.
Në Wuhan që ishte dhe vatra më e nxehtë e shpërthimit të virusit, numri i vdekjeve është rritur me 45%.
Deri më tani, në total në Kinë janë regjistruar 82 692 të infektuar me koronavirus dhe 4632 viktima. Ashtu siç janë ngritur dyshime edhe më parë nga ekspertët, edhe BBC ngre pikëpyetje se Kina mund të ketë fshehur numrin e vërtetë të viktimave nga COVID-19.
