Mjekët italianë mbeten të vendosur për të frenuar koronavirusin. Plani është që sapo të përfundojë afati i masave kufizuese, deri më 3 maj, Italia të rrisë numrin e testimeve. Si dhe të përdorë teknologjinë e gjurmimit të kontakteve.
Pritet që italianët ti nënshtrohen testeve të detyrueshme të gjakut, që do të krijonin të ashtëquajturën “sistemi i pasaportave të imunitetit”.
Kështu është shprehur për televizionin ” Sky TG24″, Komisioneri i Posaçëm për Emergjencat ndaj viruseve, Domenico Arcuri.
Ndonëse virusi u përhap për herë të parë në Kinë, tashmë epiqendra e COVID-19 është Europa. Në Itali kanë humbur jetën 19.468 persona.
