Një lajm i trishtë vjen nga Brazili, ku një bebe disa ditëshe ka vdekur si pasojë e lindjes së parakohshme dhe konfirmimit me koronavirus
Autoritetet shëndetësore raportojnë se foshnja 4 ditëshe është viktima më e re që vdes e infektuar me koronavirus në Brazil.
Nga ana tjetër, doktorët nuk konfirmojnë që koronavirusi ka qenë shkaku kryesor i vdekjes së foshnjës.
Sipas mediave të huaja, nëna e saj ishte diabetike dhe vuante nga obeziteti, hipertensioni dhe një sindromë respiratore që nuk është diagnostikuar ende.
Foshnja shfaqi probleme frymëmarrjeje menjëherë pas lindjes. Ajo u mbajt në njësinë e kujdesit intensiv neonatal.
Zyrtarët e shëndetësisë po hetojnë ende, nëse COVID-19 ishte shkaku direkt i vdekjes së foshnjës.
Deri më tani në Brazil janë shënuar më shumë se 20 mijë raste nga koronavirusi, ndërsa kanë humbur jetën 1,090 persona.
