Një dritë shprese vjen për Italinë, kur duket se po shqyrtohet mundësia për të lehtësuar disi masat strikte.
Në Itali përgjatë 24 orëve të fundit janë shënuar 542 viktima nga koronavirusi, duke e çuar në 17.669 numrin e përgjithshëm të të vdekurve.
Sipas të dhënave nga Emergjencat Civile, bëhet me dije se në 24 orët e fundit janë shënuar 3836 raste të reja me koronavirus, duke bërë që Italia të numërojë mbi 139 mijë të infektuar.
Numri i viktimave mbetet i lartë. Por kryeministri Giuseppe Conte ka deklaruar se Italia mund të lehtësojë masat e izolimit nga fundi i prillit.
“Nëse ekspertët na japin ‘ok’, do të lehtësojmë disa masa”, ka thënë ai.
