Në 24 orët e fundit, SHBA ka regjistruar bilancin më tragjik të viktimave ndonjëherë, teksa raportohet se rreth 2 mijë persona kanë ndërruar jetë.
Ky është bilanci ditor më i rëndë i regjistruar që prej shpërthimit të epidemisë në Kinë. Sipas mediave të huaja, 1,939 persona humbën jetën duke e çuar numrin total të viktimave në 12,722.
Me këto ritme SHBA pritet të ia kalojë shumë shpejt edhe Spanjës dhe Italisë që mbajnë rekordin për numrin më të madh të viktimave.
Italia numëron deri më tani 17,127 persona të vdekur, ndërsa Spanja 13,978.
Me më shumë se 400 mijë raste infektimi, SHBA numëron më shumë se një të katërtën e rasteve të deklaruara zyrtarisht në mbarë botën.
Sipas shifrave të publikuara nga Universiteti Johns Hopkins, në SHBA regjistrohen më shumë se 29 mijë raste në ditë nga COVID-19.
