Zëdhënësi i OBSH-së, Christian Lindmeier ka bërë thirrje që masat e marra për të ndaluar përhapjen e koronavirusit, të mos hiqen shumë herët, në mënyrë që mos të kemi një përkeqësim më të thellë të situatës.
Ai i mëshoi faktit se shtetet e prekura nga COVID-19 nuk duhet të nxitohen në lehtësimin e masave.
“Një nga gjërat më të rëndësishme është që masat të mos hiqen shumë herët në mënyrë që të mos kemi një përkeqësim tjetër”, tha Lindmeier.
Sipas tij, kjo situatë, është e ngjashme me të qenit i sëmurë, ku nëse ngritesh shumë shpejt nga shtrati, rrezikon të kesh komplikime.
“Nëse ngritesh shumë shpejt nga shtrati dhe vrapon shumë herët, rrezikon të biesh prapa dhe të kesh komplikime”, shtoi ai.
