Gjykata e Apelit ka caktuar datën 9 prill, për seancën e ish-ministrit të Brendshëm, Saimir Tahiri. Bashkë me Tahirin, seanca do të jetë dhe për Drejtorin e Përgjithshëm të Policisë së Vlorës, Jaed Çela.
Seanca do të mbahet në orën 10:30, ndërsa do zhvillohet brenda ambienteve të Gjykatës por pa praninë e publikut dhe medias. Kjo si një masë për të ruajtur distancën sociale, e për të mos u infektuar me koronavirus.
