Bluzat e bardha po përballen me një fluks pacientësh të infektuar me koronavirus. Një 66-vjeçar ia ka dalë mbanë, duke mposhtur COVID-19, ndërsa vuan nga disa sëmundje bashkëshoqëruese.
Ministrja e Shëndetësisë, Ogerta Manastirliu, ka ndarë me ndjekësit në rrjetet sociale, dëshminë e Kastriotit, 66-vjeçarit nga Fieri që sot u kthye në shtëpi.
Atij i janë dashur që të qëndrojë në Spitalin Infektiv plotë 21 ditë. Tashmë ai ndodhet pranë familjes, e ndërsa është në gjëndje të mirë shëndetësore.
Sot është rritur numri i personave që kanë humbur jetën për shkak të koronavirusit në Shqipëri. Një pacient ndërroi jetë mëngjesin e sotëm në Spitalin Infektiv.
Në 24 orët e fundit janë testuar 96 persona të dyshuar, prej të cilëve janë konfirmuar 18 raste të reja me COVID-19.
Numri i përgjithshëm i të infektuarve ka shkuar në 277. Nga këta 8 raste janë fëmijë. Mosha mesatare e të infektuarve është 50 vjeç.
