U bënë ditë të tëra tashmë që Italia shënon më shumë se 800 viktima nga koronavirusi, brenda një dite të vetme.
Edhe sot kjo gjë nuk duket të ketë ndryshuar, teksa mediat italiane raportojnë se në 24 orët e fundit kanë humbur jetën 837 persona.
Deri më tani shteti fqinj ka shënuar më shumë se 105 mijë raste infektimi, nga të cilat:
- 12,428 persona kanë ndërruar jetë,
- 66,889 janë ende raste aktive,
- 19,259 pacientë ia kanë dalë mbanë të shërohen.
Në 24 orët e fundit janë shënuar 4,053 raste të reja me COVID-19. Ndërsa mësohet se 5,607 persona ndodhen në gjendje kritike për jetën.
Italia vijon të jetë shteti që ka regjistruar dhe po regjistron numrin më të madh të vdekjeve nga COVID-19. Numri i viktimave të shkaktuara nga koronavirusi në të gjithë botën ka shkuar në 40,663.
