Italia është vendi më i goditur në botë nga pandemia e koronavirusit. Ky vend nuk ka të ndalur me shifrat e tmerrshme që vijnë nga spitalet, ku të vdekurit po shtohen nga minuti në minutë.
Duket sikur edhe shëndetësia ka rënë në kolaps, e kjo situatë nuk po merr një drejtim.
Përkundrazi, vetëm po përkeqësohet. Aktualisht, mbi 10 mijë viktima nga koronavirusi dhe mijëra të tjerë në gjendje kritike për jetën.
Italianët janë zhgënjyer në masë nga mungesa e solidarizimit nga BE, të cilët nuk u ofruan të ndihmonin Italinë në këto ditë të vështira. Ata e kanë parë të udhës të djegin flamurin e BE-së.
#CiSalviamoDaSoli ?? #RadioSavana pic.twitter.com/54ctx4hmj6
— RadioSavana (@RadioSavana) March 27, 2020
Shumë zyrtarë italianë kanë shprehur zhgënjimin ndaj këtij unioni, që supozohet të gjendet përballë shteteve europiane kur janë në vështirësi.
E teksa Bashkimi Europian është i shurdhër mbi bilancin tragjik në Itali, Donald Trump është shprehur se Amerika po e ndihmon shumë Italinë.
Në këto momente të vështira, Shqipëria vendosi t’i qëndrojë pranë Italisë fqinje, duke dërguar 30 mjekë dhe infermierë për ndihmë.
