Kryeministri Rama ka përcjellë këshillat e radhës, lidhur me masat parandaluese ndaj koronavirusit. Gjatë ditëve të fundit, është parë në masë tek qytetarët të cilët mbajnë maskat kudo ku ata shkojnë.
Rama i rekomandon qytetarët që të mos përdorin maskat nëse nuk kanë kontakte me persona të infektuar.
Për të gjithë personat e shëndetshëm, të cilët nuk kanë hasur asnjë simptomë, mbajtja e maskës është e dëmshme. Kështu shprehet Rama, ndërsa nënvizon se maskat ulin vigjilencën tonë.
Kryemistri e demostron këtë duke iu referuar virologut të famshëm italian, Fabrizio Pregliasco. Ai ka thënë se maska nuk është e nevojshme, nëse nuk jeni pozitiv. Me mjaft rëndësi është që të lajmë duart, dhe të mbajmë distancat.
Statusi
? LEXOJENI ME VËMENDJE JU LUTEM?
? E KEMI PËRSËRITUR VAZHDIMISHT QË PËR ATA QE NUK JANË TË SËMURË, NUK JANË DUKE TRAJTUAR NJË TË SËMURË APO NUK PUNOJNË NË NJË MJEDIS ME SHUMË NJERËZ, MASKAT JANË JO VETËM TË PADOBISHME, PO EDHE TË DËMSHME SEPSE ULIN VIGJILENCËN TONË NË ZBATIMIN E RREGULLAVE BAZË!
? JA ÇFARË THOTË VIROLOGU I FAMSHËM ITALIAN, Fabrizio Pregliasco:
“Maska nuk është e nevojshme nëse nuk jeni pozitiv. Po përdoret kot! Për shembull, po përdoret në supermarket sepse ekziston frika nga afërsia e tjetrit, por është e kotë. Mjafton të mbani distancën prej të paktën një metër.
Jo vetëm po e përdorni kot, po edhe mund t’ju dëmtojë sepse me maskë dhe doreza, ju jeni të prirur që të bëni marrëzira: prekni gjërat me doreza dhe më pas prekni gojën me doreza duke menduar se jeni i qetë. Por nuk janë duart problemi, problemi është ku i vendosni duart. Ekziston rreziku që të ulni nivelin e vigjilencës dhe mbrojtjes.
Le të lajmë duart dhe të mbajmë distancat.
Dhe kjo natyrisht prek edhe ata që bëjnë shëtitje apo vrapuesit. Problemi nuk është tek kush shkon për vrap apo bën një shëtitje vetëm në fshat. Është shumë më e rrezikshme të jesh afër dikujt që ka nxjerrë qenin për shëtitje, ose ka dalë në pazar në qytet. Rreziku është afërsia me të tjerët. Kjo është më keq sesa pneumonia virale. Është një sëmundje që krijon probleme. Prandaj, nëse dikush dëshiron të shëtisë vetëm, mundet por duhet ta dijë se po rrezikon nëse ka të tjerë vërdallë dhe nuk duhet të përdorë maskë dhe doreza.
Pra lani duart mirë dhe shpesh. Dhe mbani gjithmonë distancën tuaj. Kudo dhe kurdoherë. Maskat më shumë ju rrezikojnë duke ju nxitur të harroni rregullat bazë, se sa ju ndihmojnë të mbroheni nga virusi!”.
Të tjera raste të reja me COVID-19 janë shënuar në vendin tonë. Ministria e Shëndetësisë bëri të ditur se në 24 orët e fundit janë testuar 60 persona të dyshuar. Prej tyre kanë rezultuar pozitivë 4 raste, 3 raste kontakti dhe 1 rast i ri.
