Pas përhapjes së koronavirusit, menjëherë u krijuan aludimet e para se nga çfarë kishte nisur infeksioni. Pas një sërë hamendësimesh, shkencëtarët panë sesi viktimat po rriteshin nga ora në orë, dhe ata ishin ta pafuqishëm për të krijuar vaksinën. Një libër i botuar vite më parë, ka folur për një sëmundje, e ngjashme me koronavirusin. Një shkrimtare amerikane ka parashikuar që në 2020, në të gjithë globin do të përhapet një sëmundje që prek rrugët e frymëmarrjes.
Sylvia Browne është një autore amerikane, që ka ndërruar jetë në vitin 2013. Ajo u bë e famshme në fillim të viteve 2000, pasi pretendonte se mund të parashikonte të ardhmen dhe mund të komunikonte me shpirtrat. Në vitin 2008, pak kohë pasi virusi SARS ishte zhdukur, ajo shkroi librin “End Of Days”. Mes të tjerash, autorja ka shkruar se një sëmundje që prek rrugët e frymëmarrjes, do të përhapet në gjithë globin në 2020-ën.
“Rreth 2020-ës, një sëmundje e rëndë e ngjashme me pneumoninë do të përhapet në gjithë globin, duke sulmuar mushkëritë dhe bronket, duke i rezistuar çdo trajtimi. Edhe më enigmatik se vetë sëmundja do të jetë fakti që do të zhduket aq shpejt sa u përhap. Do të rikthehet sërish pas 10 vitesh, dhe më pas do të zhduket totalisht”, shkruhet në librin “End Of Days”. Libri po bën xhiron e botës, në këtë periudhë që koronavirusi po merr përhapje të gjerë.
Koronaviruset janë familja e viruseve të cilat shkaktojnë sëmundje nga një rrufë e lehtë deri në sëmundje më të rënda si Sindroma Respiratore e Lindjes së Mesme (Middle East Respiratory Syndrome MERS) dhe Sindroma e Rëndë Respiratore Akute (Severe Acute Respiratory Syndrome SARS).
Po çfarë është një koronavirusi i ri? Koronavirusi i ri është (nCoV) është një lloj (shtam) i ri i koronavirusit i cili nuk është identifikuar më parë tek njerëzit. Rekomandimet standarde për të zvogëluar ekspozimin dhe transmetimin e një sërë sëmundjesh përfshijnë: ruajtjen e higjienës së duarve dhe të frymëmarrjes, praktikat e higjienës ushqimore, si dhe kur është e mundur shmangia e kontakteve të ngushta me çdo person që shfaq simptoma të sëmundjeve respiratore, si kollë apo teshtitje.
Kina ka arritur të fitojë betejën kundër sëmundjes vdekjeprurëse, e cila mori qindra jetë njerëzish dhe infektoi mijëra të tjerë. Epidemia e koronavirusit e cila mori jetë njerëzish, mesa duket po fillon të zhduket nga epiqendra ku kishte origjinën.
