Edhe Serbia i shtohet vendeve të infektuar me koronavirus. Ministri i Shëndetësisë ka deklaruar se në Serbi është konfirmuar rasti i parë me koronavirusin e ri.
Një 43-vjeçar nga Subotica rezulton i infektuar. Ai kishte vizituar Budapestin. Atje, motra e tij kishte probleme me frymëmarrjen. Ai aktualisht është vënë në karantinë, në një spital të Suboticës.
“Ai është kthyer nga Budapesti, dhe nuk është ndjerë mirë. Pacienti ka treguar përgjegjësi dhe është izoluar menjëherë. Testi i infeksionit tregoi se ai është pozitiv në koronavirusin e ri”, tha ministri i Shëndetësisë, Zllatibor Llonçar.
Ministri i Shëndetësisë shtoi se nuk kishte vend për panik dhe frikë. “Serbia është e gatshme, çdo gjë që kërkon profesioni, ne do të bëjmë”, tha Lonçar.
