Ish-kryeministri i Kosovës, Ramush Haradinaj, ka shpërthyer në revoltë pas vendimit të marrë nga ana e Albin Kurtit, për heqjen e taksës ndaj Serbisë. Kurti tha se se javën e ardhshme do të hiqet taksa e Kosovës ndaj mallrave serbe.
Sipas tij, kjo gjë do të jetë e përkohshme, për të parë reagimin e Serbisë ndaj njohjes së Kosovës si shtet. Lidhur me këtë akt, Haradinaj shkruan me anë të një postimi në Facebook se Albin Kurti u dorëzua para Serbisë. Tejet i revoltuar, Haradinaj e cilëson Kurtin si një mashtrues, i cili nga sot është përgjegjës për ripushtimin ekonomik të Kosovës nga Serbia.
“Sonte Albin Mashtruesi u dorëzua para Serbisë. Ky është fillimi i kthimit të Serbisë dhe Rusisë në Kosovë. Albin Mashtruesi nga sot je përgjegjës për ripushtimin ekonomik të Kosovës nga Serbia. Zoti e bekoftë Kosovën dhe popullin e saj!”, shkruan Haradinaj.
