UEFA kërkon të çojë në një tjetër shkallë luftën e saj për respektimin e rregullave Financiare.
Pas dënimit të Manchester City me përjashtimin për 2 vjet nga ‘Champions League’ dhe gjobën e majme, tani po studiohen edhe klubet e tjera që dyshohet se kanë mashtruar me bilancet.
Mediat e huaja raportojnë se ekspertët do të hetojnë nëse marrëveshjet mes klubeve për të rritur vlerën e lojtarëve që të shmangen gjobat dhe dënimet, është bërë sipas një çmimi real tregu, apo është manipuluar.
UEFA prezantoi sistemin e rregullave “Financial fair play” në vitin 2010, me zotimin për të futur klubet në rrugën e duhur.
Objektivi ishte përafrimi i kostove me shpenzimet, dhe skuadrat duhet praktikisht jo vetëm të fokusohen te borxhet por edhe të mbajnë një ekuilibër të llogarive për të evituar falimentime.
