Një aksident i rëndë ka ndodhur ditën e sotme në rrugën Krapait në Fier.
Bëhet me dije se dy makina një tip ‘Benz’ dhe një ‘Volswagen’ janë përplasur, duke lënë 3 persona të plagosur. Nga përplasja makina tip ‘Benz’ ka përfunduar në kanal. Të plagosurit janë dërguar menjëherë në spitalin rajonal të Fierit.
Shkak i aksidentit është bërë makina tip Benz, ku drejtuesi i saj, për shkak të lagështisë në rrugë ka humbur kontrollin dhe është përplasur me Volswagen-in, që vinte në drejtim të kundërt.
