Kukësi është përfshirë sot nga një stuhi e fortë, shoqëruar edhe me reshje shiu. Moti i keq me erë të fortë dhe me reshje të dendura, ka lënë pa energji rreth 12 fshatra të Grykës së Vanave në Bashkinë e Kukësit.
Sikundër është paralajmëruar nga sinoptikanët, pritet që në mesnatë të nisin edhe reshjet e dëborës. Si pasojë e reshjeve të shiut, ka pasur vështirësi në qarkullimin rrugor, por fatmirësisht nuk është raportuar për ndonjë incident.
