Ministri Bledi Çuçi ka çuditur me deklaratën e tij, për forcat e emergjencës kosovare, teksa konfirmoi se ishin më të përgatitur se ato në Shqipëri. Duke i krahasuar forcat e emergjencës shqiptare me homologët kosovarë, ministri tha se Kosova vjen nga lufta dhe janë ndihmuar nga NATO.
“Forcat e emergjencës kosovare ishin më të përgatitura, sepse Kosova vjen nga lufta dhe janë ndihmuar nga NATO”, u shpreh Çuçi.
Ministri është munduar të justifikohet, duke thënë se 85% e jetëve të shpëtuara ka ardhur nga forcat shqiptare të emergjencës, ndërsa pjesa tjetër nga ekipet e tjera që morën pjesë në shpëtimin e jetëve.
Çuçi shtoi më tej se qeveria italiane, nëpërmjet qendrës së emergjencave, ka premtuar ngritjen e një qendre emergjence në Tiranë, ku italianët do të asistojnë.
