Mike Pompeo, Sekretari amerikan i Shtetit, ka vizituar Bjellorusinë i ftuar nga presidenti i vendit Aleksandër Lukashenka. Vizita e tij është cilësuar historike, pasi është hera e parë që personalitet kaq i lartë i shtetit amerikan vendin ish-komunist që prej vitit 1994.
Pompeo bëri thirrje për forcimin e marrëdhënieve ndërmjet dy shteteve.
“Kemi besim që së bashku mund të arrijmë përparim të vërtetë në çdo dimension”, tha Pompeo gjatë një konference të përbashkët për gazetarë me Lukashenka-n.
Sakaq, presidenti bjellorus ka vlerësuar vizitën e tij, e cila ka shërbyer për të sqaruar “keqkuptimet” e vjetra ndërmjet dy shteteve. “Është shumë mirë që rrezikuat të vinit në Minsk pas disa keqkuptimeve mes Bjellorusisë dhe Shteteve të Bashkuara.”
Vizita e zyrtarit të lartë amerikan erdhi në kohën kur Bjellorusia po mundohet t’i përmirësojë raportet me Shtetet e Bashkuara dhe ta zvogëlojë varësinë nga gazi rus.
