Ambasadori i BE-së, Lugi Soreca ka mirëpritur vendimin e parlamentit për të shtyrë votimin e paketës “anti-shpifje”.
“Mirëpresim vendimin e mazhorancës për të shtyre votimin për këtë paketë. Po presim për opinionin e Venecias dhe i inkurajojmë autoritetet që t’i adresojnë shqetësimet e tyre”, shkruan Soreca në Twitter.
Vendimi për të shtyrë votimin e paketës së shumë diskutuar u komunikua gjatë seancës së sotme parlamentare, nga kreu i grupit parlamentar të PS, Taulant Balla.
