I dërguar special për dialogun Kosovë-Serbi, Richard Grenell, pas përfundimit të takimit të planifikuar ka komentuar takimin për linjën hekurudhore. Sipas tij, takimi ishte i frytshëm përtej pritshmërive. Ai theksoi se përveç agjendës së përcaktuar palët arritën të flasin edhe për shumë çështje të tjera me rëndësi.
“Është arritur përparim i mirë këtë mëngjes në Letrën e Synimeve për Bashkëpunimin Hekurudhor. Bisedimet po shkonin aq mirë, sa u diskutuan edhe çështje të tjera,”, tha Grenell të hënën në një deklaratë.
Në takimin e djeshëm, Kosova përfaqësohej nga dy drejtorë, Xhemë Veseli drejtor i Transportit Rrugor dhe Ramë Qupeva, drejtor i Infrastrukturës Rrugor.
Ndërsa, Serbia u përfaqësua nga drejtori i Zyrës Serbe për Kosovën, Marko Djuric.
