5 persona në Skoci, Britani e Madhe, janë nën mbikëqyrje mjekësore pasi dyshohet se janë prekur nga koronavirusi kinez.
Ky i fundit ka prekur qindra njerëz në Wuhan, Kinë, dhe është shpërndarë edhe në vende të tjera të botës, përfshirë këtu SHBA-në.
Kujtojmë se pak më herët u raportua se 4 persona dyshoheshin se ishin prekur nga virusi misterioz, mirëpo siç është e dukshme numri është përditësuar së fundmi nga qeveria skoceze.
Një zëdhënës i Skocisë ka deklaruar se ende nuk ka raste plotësisht të konfirmuara të personave të prekur nga virusi.
Gjithçka, të paktën deri më tani, mbetet në kuadrin e dyshimeve dhe simptomave të ngjashme, ndërkohë detaje të reja rreth gjendjes së personave në fjalë, pritet që të dalin në orët në vijim.
5 pushuesit kinezë, të cilët kanë udhëtuar nga Wuhan, në drejtim të Britanisë, aktualisht po testohen dhe po mbahen në izolim të plotë, deri në çastin që gjendja e tyre shëndetësore të jetë e mirë.
