Pas Lushnjës, një tjetër bombol gazi ka shpërthyer sot në Durrës, ku është plagosur një 83-vjeçare.
Raportohet se ngjarja ndodhi rreth orës 12:20, në lagjen nr.14 të qytetit bregdetar.
Burime nga policia bënë me dije se nga shpërthimi i bombolës është dëmtuar shtetasja me inicialet S.S., e cila është dërguar në spital për ndihmë mjekësore.
Grupi hetimor vijon punën për sqarimin e mëtejshëm të rrethanave të ngjarjes.
