Blutë e Shkodrës kanë vënë në pranga një 27-vjeçar, pasi në ambientet e një lokali ka ushtruar dhunë fizike ndaj ish-bashkëshortes së tij, banuese në Shkodër. Nga ana e policisë është arrestuar në flagrancë shtetasi me inicialet F. L. 27-vjeç, banues në lagjen Liria, Shkodër. Lidhur me këtë rast, materialet hetimore i kaluan Prokurorisë pranë Gjykatës së Shkallës Parë Shkodër, për veprën penale “Dhunë në familje”.
Njoftimi zyrtar i policisë
Shkodër
Dhunon ish bashkëshorten në lokal, arrestohet 27 vjeçari, nga policia. Nga strukturat e Komisariatit të Policisë Shkoder, u arrestua në flagrancë shtetasi F. L. 27 vjeç, banues në lagjen Liria, Shkodër.
Arrestimi i tij u bë pasi në lagjen Vasil Shanto, Shkodër, në ambjentet e një lokali ka ushtruar dhunë fizike ndaj 27 vjecares, ish-bashkëshortes së tij banuese në Shkodër.
Materialet i kaluan Prokurorisë pranë Gjykatës së Shkallës Parë Shkodër, për veprën penale “Dhunë në familje”.
