Irani këto ditë ka qenë në qendër të mediatave botërore. Qoftë për vrasjen e Gjeneralit Qasem Soleimani, por edhe për ngjarjen tragjike të ditës së djeshme, ku humbën jetën 176 persona nga rrëzimi i avionit ukrainas.
Sheyda Shadkhoo kishte marrë pushimet dhe i kishte shfrytëzuar ato për të vizituar nënën dhe motrën në Tehran. Ditën e fundit, ajo po rikthehej në shtëpi, në Toronto, ku e priste bashkëshorti i saj pa e ditur që ajo do të ishte dita e fundit edhe e jetës së saj.
Bashkëshorti i saj ka treguar për CNN telefonatën e fundit të saj, 20 minuta përpara se avioni të nisej.
“Fola 20 minuta para se avioni të ngrihej. Ajo ishte në tension për ngjarjet që kishin ndodhur me SHBA-në. Kishte një parandjenjë të keqe. Më tha: Kam parandjenjën që avioni do rrëzohet. U përpoqa ta qetësoj – asgjë s’ka për të ndodhur, të premtoj”, tregon ai teksa shpërthen në lot dhe tregon foton e gruas së tij.
Avioni ukrainas kurrë nuk arriti në destinacion. Ai u rrëzua vetëm pak minuta pasi u ngrit në fluturim, duke lënë pas 176 viktima.
Bashkëshorti ka treguar dhe një detaj tjetër. “Asnjëherë si kam besuar parandjenjat. Dhe atë ditë parandjenja e saj ishte shumë e fortë. Madje, ajo postoi edhe një foto në instagram përpara se të nisej, ku tregonte frikën që kishte atë ditë.
Duhet ta kisha ndaluar të hipte në atë avion. Nuk mund ta mendoj se si do të jetë jeta ime në vazhdimësi. Do doja të isha unë në vendin e saj”, raporton CNN.
Burimi: CNN / Përgatit: Tirana Today
