Zbardhen detaje të reja në lidhje me grabitjen e ndodhur në zonën e Komunës së Parisit.
Bëhet me dije se një person i cili kishte vënë një kapuç në kokë, ka shkuar me një levë në dorë dhe ka grabitur institucionin.
Nga informacionet e para mësohet se shuma e vjedhur e parave është rreth 50 mijë lekë të reja. Autori ka kërcënuar punonjësit me levë dhe ka marrë shumën e parave që ndodhej në banak.
Njoftimi i policisë:
Rreth orës 18:07, në rrugën “Medar Shtylla”, në një zyrë që i përket një institucioni financiar për kredidhënie në shuma të vogla, një person ende i paidentifikuar dhe i pa armatosur, ka marrë një sasi parash rreth 50 mijë lekë të reja dhe është larguar me vrap.
Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë.
Grupi hetimor po punon për identifikimin dhe kapjen e autorit.
